П А Р А Ф І Я Л Ь Н Ы Я А Б‘Я В Ы 22 звычайны тыдзень, 31 жніўня 2025 г.
1. Сёння, разам з усімі вернікамі нашай дыяцэзіі, дзякуем ўсемагутнаму Богу за сёлетній ўраджай і працу земляробаў, дзякуем за штодзённы хлеб. У сувязі з пачынаючымся новым школьным і катэхетычнам годам, на заканчэнне Святой Імшы адмысловая малітва за дзяцей, моладзь, настаўнікаў, педагогаў і бацькоў, з благаслаўленнем школьных прылад.
2. Сёння таксама змена таямніц у малітоўнай групе “Жывы Ружанец”. У верасні будзем маліцца аб аднаўленні нашых адносінаў з усім стварэннем. “Молімся, каб мы, натхнёныя прыкладам святога Францішка, зразумелі ўзаемазалежнасць усіх стварэнняў, якіх любіць Бог і якія вартыя любові і пашаны .”
3. На працягу тыдня, апрача суботы, набажэнствы і Святая Імша пачынацца будуць у 19.00. У суботу і наступную нядзелю, як звычайна, у 11.00.
4. 1 верасня 2025 года будзе адзначацца X Сусветны дзень малітвы за клопат аб стварэнні. Ён быў устаноўлены Папам Францішкам у 2015 годзе, адначасова з выхадам яго энцыклікі Laudato si' пра клопат аб супольным доме, і цяпер адзначаецца штогод. Каталіцкі Касцёл далучыўся да ініцыятывы Канстантынопальскага Патрыярхату, які ўжо ў 1989 годзе ўстанавіў 1 верасня Днём малітвы за клопат аб стварэнні.
5. На гэтым тыдні адзначаем: * ПЕРШЫ ЧАЦВЕР МЕСЯЦА – дзень удзячнасці за дар сакрамэнтаў: Эўхарыстыі і святарства, дзень асаблівай малітвы аб пакліканнях да святарскага і кансэкраванага жыцця; * ПЕРШУЮ ПЯТНІЦУ МЕСЯЦА - дзень ушанавання Найсвяцейшага Сэрца Езуса; * ПЕРШУЮ СУБОТУ МЕСЯЦА - дзень ушанавання беззаганнага сэрца Найсвяцейшай Дзевы Марыі.
6. Магчымасць споведзі (перад першай пятніцай месяца) штодзённа на некалькі хвілін перад пачаткам набажэнства.
7. Наведванне хворых са святымі сакрамэнтамі ў першую пятніцу месяца. Пачнецца яно а 9.00 гадзіне.
Усім юбілятам і іменнікам новага тыдня складаю найлепшыя пажаданні: жывой веры, непахіснай надзеі, здароўя, супакою, а таксама шматлікіх іншых Божых ласкаў. Дзякуй усім за супольную малітву і складзеныя ахвяраванні. Няхай Міласэрны Бог Айцец узнагародзіць вашу актыўнасць, дабрыню і ахвярнасць. Кс. Януш..