П А Р А Ф І Я Л Ь Н Ы Я А Б‘Я В Ы
18 звычайны тыдзень, 3 жніўня 2025 г.
1. Сёння першая нядзеля месяца, так званая “Нядзеля адарацыйная”. Пасля Святой Імшы адбудецца кароткая адарацыя Найсвяцейшага Сакрамэнту з малітвай ўдзячнасці за жывую прысутнасць Бога сярод нас у Эўхарыстыі.
Сабраныя сёння ахвяраванні прызначаюцца на дыяцэзіяльныя мэты.
2. Сёння таксама змена таямніц у малітоўнай групе “Жывы Ружанец”.
У жніўні будзем маліцца аб супольным жыцці. “Молімся аб тым, каб грамадствы, у якіх супольнае жыццё ўяўляецца больш складаным, не паддаваліся спакусе канфліктаў на нацыянальнай, палітычнай, рэлігійнай ці ідэалагічнай глебе.”
3. На працягу тыдня, апрача пятніцы і суботы, набажэнствы і Святая Імша пачынацца будуць, як у летні перыяд, у 20.00.
У пятніцу набажэнства і Святой Імшы не будзе!
У суботу і наступную нядзелю, як звычайна, у 11.00.
4. На гэтым тыдні адзначаем:
- у панядзелак, 4 жніўня, - літургічны ўспамін св. Яна Марыі Віянэя, святара;
- у сераду, 6 жніўня, - СВЯТА ПЕРАМЯНЕННЯ ПАНА;
- у чацвер – І ЧАЦВЕР МЕСЯЦА; дзень асаблівай падзякі да дар Найсвяцейшага Сакрамэнту (Эўхарыстыі) і сакрамэнту святарства; дзень малітвы аб пакліканнях да службы Божай;
- у пятніцу, 8 жніўня, - упсамін св. Дамініка, святара;
- у суботу, 9 жніўня, - свята св. Тэрэзы Бэнэдыкты ад Крыжа (Эдыты Штайн), панны і мцчаніыц, апякункі Еўропы.
6. Магчымасць споведзі – штодзённа на 15 хвілін перад пачаткам набажэнства.
7. Як штогод у другую пятніцу і суботу жніўня, сёлета гэта 8 і 9 жніўня, у санктуарыі Маці Божай Каралевы Палесся, у Лагішыне, адбудзецца дыяцэзіяльны фэст у Яе гонар.
Усім юбілятам і іменнікам новага тыдня складаю найлепшыя пажаданні: жывой веры, непахіснай надзеі, здароўя, супакою, а таксама шматлікіх іншых Божых ласкаў. Дзякуй усім за супольную малітву і складзеныя ахвяраванні. Няхай Міласэрны Бог Айцец узнагародзіць вашу актыўнасць, дабрыню і ахвярнасць.
Кс. Януш.
