П А Р А Ф І Я Л Ь Н Ы Я А Б‘Я В Ы
НЯДЗЕЛЯ ЗМЁРТВЫХПАЎСТАННЯ ХРЫСТА ПАНА
ВЯЛІКДЗЕНЬ, 20 красавіка 2025
1. Сёння найважнейшы дзень у літургічным календары. Заахвочваю ўсіх да перажывання яго ў духу хрысціянскай радасці і любові.
2. Святкаванне Пасхі трывае на працягу ўсяго Велікоднага перыяду. Пяцьдзесят дзён ад Нядзелі Змёртвыхпаўстання Пана да Нядзелі Спаслання Духа Святога адзначаюцца з вялікай радасцю як адзін святочны дзень. Першыя восем дзён Велікоднага перыяду з’яўляюцца Актавай Вялікадня і адзначаюцца як урачыстасць Пана.
На працягу тыдня, апрача суботы, набажэнствы і Святая Імша пачынацца будуць у 19.00.
У суботу і наступную нядзелю, як звычайна, у 11.00!
3. Так як урачыстасць Змёртвыхпаўстання Пана святкуецца восем дзён – ВЕЛІКОДНАЯ АКТАВА, таму ў пятніцу няма абавязковай устрыманасці ад мясных страў.
4. Сёння трэці дзень Навэнны да Божай Міласэрнасці.
5. Магчымасць велікоднай споведзі штодзённа на 15 хвілін перад пачаткам набажэнства.
6. У суботу, напярэдані Нядзелі Божай Міласэрнасці, у 19.00 у капліцы Св. Казіміра (на Ружанскіх могілках) адбудзецца адмысловае набажэнства за нашых памерлых.
7. Наступная нядзеля - СВЯТА БОЖАЙ МІЛАСЭРНАСЦІ і заканчэнне АКТАВЫ ЎРАЧЫСТАСЦІ ЗМЁРТВЫХПАЎСТАННЯ ЕЗУСА ХРЫСТА. Пасля Святой Імшы адбудзецца эўхарыстычная працэсія вакол храма.
8. Катэхетычныя заняткі, як звычайна ў суботу:
* у 17.30 - катэхеза для малодшых школьнікаў, тых хто рыхтуецца да першай споведзі і Святой Камуніі. Да ўдзелю ў ёй запрошаны таксама іх вацькі.
Усім юбілятам і іменнікам новага тыдня складаю найлепшыя пажаданні: жывой веры, непахіснай надзеі, здароўя, супакою, а таксама шматлікіх іншых Божых ласкаў. Дзякуй усім за супольную малітву і складзеныя ахвяраванні. Вялікі дзякуй усім, хто дапамог у падрыхтоўцы і правядзені літургіі Пасхальнага Трыдуума, а таксама ў прыбранні і ўпрыгожанні храма. Няхай Міласэрны Бог Айцец узнагародзіць вашу актыўнасць, дабрыню і ахвярнасць.
Кс. Януш.
Хрыстос уваскрос! Сапраўды ўваскрос!
Аллелюя!
