П А Р А Ф І Я Л Ь Н Ы Я А Б‘Я В Ы
34 звычайная нядзеля, 24 лістапада 2024 г.
Урачыстасць Пана нашага Езуса Хрыста, Валадара сусвету
1. Сёння адзначаем урачыстасць Пана нашага Езуса Хрыста, Валадара сусвету. Пачынаецца апошні тыдзень літургічнага года. Сабраныя сёння ахвяраванні прызначаюцца на духоўную семінарыю.
2. На працягу тыдня, апрача суботы, набажэнствы пачынацца будуць у 18.00.
У суботу і наступную нядзелю, як звычайна, у 11.00.
3. У пятніцу, 29 лістапада, - пачатак навэнны ў гонар Беззаганнага Зачацця Найсвяцейшай Панны Марыі.
4. У суботу, 30 лістапада, СВЯТА СВ. АНДРЭЯ, АПОСТАЛА.
5. У наступную нядзелю, 1 снежня, пачатак новага літургічнага года які распачынаецца перыядам Адвэнту.
6. Усім членам малітоўнай групы “Жывы Ружанец” прыпамінаю, што ў гэтым месяцы, згодна з просьбай папы рымскага Францішка, молімся за бацькоў якія страцілі дзіця. Молімся за ўсіх бацькоў, якія аплакваюць смерць сына або дачкі, каб яны знайшлі падтрымку супольнасці і атрымалі ад Духа Суцяшыцеля супакой сэрца.
Катэхетычныя заняткі на гэтым тыдні ў суботу:
- у 16.00 - катэхеза для малодшых школьнікаў; да ўдзелу ў ёй запрпошаны таксама іх бацькі;
- у 17.30 – катэхеза для старшакласнікаў.
Усім юбілятам і іменнікам новага тыдня складаю найлепшыя пажаданні: жывой веры, непахіснай надзеі, здароўя, супакою, а таксама шматлікіх іншых Божых ласкаў. Дзякуй усім за супольную малітву і складзеныя ахвяраванні. Вялікі дзякуй таксама за прыбранне храма. Няхай Міласэрны Бог Айцец узнагародзіць вашу актыўнасць, дабрыню і ахвярнасць.
Кс. Януш.
